Agiye cholo" Thungnukni kokyaphang swidi? B.A 4th semester kokborok major paper:-viii number mari:-12

Ans:-Swikwrwng Sudhanwa Debbarmani Yak romwi kokborok kokrwbaio Natok achukthai mankha 'Agiya chalo' thungnuk 1948 bisio swiwi karijakmani sakmang mano hwnwi sajakha. Kaisa swimung swijak borok, jora, thai tei tongkhororkno rwksaui, bini o thungnukbo obohai jorano swijakha. A jorao rajtontro eba Bubagwra ha naikolma jora pai thwngrwngni phaising borokrok yapri sena bagwi tiyar wnglaima jora. Bubagwra ha naikolmani joto samungo wanjwi kokbai swijago eba khwlaijago i kok kubui. Aboni bagwi thunugo kokborok kok Sanai tei wanjwi kok Sanai dophani borokrokni tongmung-chamung, wansokmung, naharmung tei kok samungrokno dalbidal gwrwngni bisingtwi tisai phunukjakha.

Sudhanwa Debbarma swikwrwng, wansokkwrwng, Thwngkwrwng, hoda dophani bagwi wansoknai borok. Hoda hamkhwrai, kokrwbai hamkhwrai nainai tei lukurokno rwngni pohor rwoi kolok kotor, sijak nukjak khwlaina bagwi saktharnai adong. Sudhanwa Debbarma swimungni kokyaphang swima tongo- 'Natoker choritroguli kalponik kahakeo lokhyo koriya choritroguli sriti hoi nai, tube kaharu jiboner sohit jodi natoker kuno choritroer mil ghotiye thake sei khetre lekhok nirupai ebong ihar jonya lekhok dayi nohe, Iha puranik kahani niye lekha noi, somaje jahara bichoron kore tahader jibonoi natoker upojibyo'.

Thungnugo Tipra dopha tei kubun dophani dalbidal mangpilirokno tisaui phunukjakha. Borokrokni langma tongmahai hodanibo langma tongo. Tomoni hwnmale hayungo hodani raida tongmabaise tabuk aswk kolok kotor wngwi bachai mano. Khoroksa tei khoroksano borom rwna swrwnglaio, samung hamya khibiui samung kaham yachaklaio.

'Agiye chalo' thungnugo Tipra dophani hoda, hukumu samung-humung mahajon raida, thwngrwng, rangthong, laibumani kaisa kuisu manpilirokno phunukna chaitokkha. Thungnugo sajakmatwi kami amchaio tongnai kwbangma borokrokno hukbarni samung khwlailaio. Hukbar khwlai langmani bwchabo thangwi tongna bagwi yapri selai phano kwcharo kebengmung phaima nukjago. Bigwra nukhungni lukurok kheto eba panthoro mai tei muikhwtwng thaikhwtwng khwlai bisani chamung ajilaio. Paithak bwkhago Congress hapangni kusupmungni samung hamyano norna bagwi sijak nukjak borokrok khorang tisalaikha. Tai babaisa bwkhaktwi naikhe saimano naimwthang eba police-rok luku mwthangnani samung tangyaui luku kusupnaini samung khwlailaio. Abohai samung hamyarokno dopha tei hodani norna bagwi Swinai Rajen songhaisijak nukjak borokrokno lamao yapri serikha. Samung hamyano kasuna bagwi, Satok-pitok, kusupmungni yokna bagwi Swrwngmung tai sichamung nangkugo. Jephuru phano hamyano hoda tei bwkhani norwi kahamno lamsoknani nangnai.

Paithak: Thungnukni puila bwkhago Rahoman mohajonbai khwijakmani kok sawoi mankha. Aboni yagulo hukbar khwlainairok mohajon raidabai kusupjakmani yokna bagwi lama rutuklaikha. Hukbar khwlainairokni ganao bachakha Rajen, Brajendra, tei Amorsong. Borok lukurokni samo tongwi samung tangna kokrwlaikha. Congress hapangni dagimungbai hukbar khwlai chanai lukurok kusupjakha. Satok-pitok khwlaijakha tei silai kokjakbaikha. Paithago Rajen lukurokno khorogo tisau samung tangna bagwi kobokkha. Aboni logi logi joto lukurokno kiriyaui kubuibai samung tangwi bwskang himna bagwi kok kwcharkha.

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more