Bengswnal-1" thungnukni kokyaphang swidi?B.A 4th semester kokborok major paper:-viii number mari:-12

Ans:-Kokborokbai thungnuk swinairokni bisingo khoroksa rwbai kwrwng hwnwi sinijagwi tongnai Shyamlal Debbarma. Bo bai swijak 'Bengswnal-1' thungnuk 1973 bisio swiwi karijago. O thungnuk Tripura Student Federation (TSF) bisi dok pungma salrokno rwgwi panda luwajiui songchajakmao Bisramgonj Tribal Boardingni swrwngnairok mwsana bagwi o thungnuk swijakha. O thungnuk mwnak puito-o kwlaiwi tongnai raida chayabai khajagwi tongnai dopharokni mokolo bengswnal kwswngjakrokno bukhwraina bagwi swijakmani hwnwi sajakha.

Tripura hodao thwikha hwnkheno Terodin eba swrado samung thwinaini pholano phiyoknani mungwi khwlaijagwi tongo. o samungrok khwlaithani kwbangma rang-ri rok nango. Sulo Dan (16) terodin khwlaina bagwi Salnwi bujon ma khwlainai, Hornwini gan songbwrwi nangnai, tamakangsa, musuk, khuki, rijai, kobong, ri, mairum maikham bebakno kwthwini pholano chuknahao (Sorgo) rohorna bagwi Bamonsano ma rohoro. Rang-ri kwrwirokkhe buini thani lakai eba kisa-misa thairok tongmani ren eba phalwi terodin khwlaijao. Omo hai tongmungbai kwrwi Bigwra borokrokni teibo tong kesep eba jwngjal Birman-ni tonghalok phaimani nukjago. Kok kisabai sana thangkhe thwinai borokni logi logi kwthang tongnairokno kwthwibai baksa wngwi thango.

Phiya Thungnugo Kwtal jorani Rwngmung-Simungni tei pohorni elem manjak Rampadani bisingtwi swinai hodani swnalno swkaknani naikha. Rampada rwngnokni Phwrwngnai simiya, chamung-nwngmung, kwtal wansokmung twiwi tonganai wngma haino hodanobo lama kaham phunuknani chaitogo. Sago rwngni elem twi tongnai hwnwi o thwnggwrwngni bisingtwi swinai sanani muchungjago. Rampadano kebengwi Choitormoni sadar Buyung, Kulchandra bukhra, Sampada bwta tei Rainapoti Buma swdw Rampada salsini bujon khwlaina hwnmano chajaklaiya wnggwi Somas bonchi khwlai rwmani nukjago Rampadano. Kha lokmung, kuthuk wansokmung kaham naharmungni bisingtwi kwtal salkwtal raida achai phimani nukjago.

Paithak 'Bengswnal-1' thungnukni bisingtwi hodani borokrokno kok kwcharna naikha swinai, Kaisa hoda eba dopha kwrak wngnani thangkhe hukumu-mukumu, tangmung -twimung joto hodani Raida-kaidarok jai jai chabwi twina nango, Haikhese dopha kwrakkhe bachanai. Kahamni lamao kwbangmano kebengmungni busu tongnai, a kebengmungni yakni yokkhese hoda kuchugo kasanai.

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more