Bhubon Ruwaja ni tongwrwng no swidi? B.A 3rd semester kokborok major paper:-vi number mari:-12

Ans:-Swimungo yak dal gwnang mwchang Nanda kumar Debbarmani Kothomayung "Rung" 2001 bisio karijago. O kothomayung Tripura hasteni Dumbur twimao ban thewi twi kwchawi chini songdukrogni kwpal biriman ni kothomanotwi swijak kothomayung. A kwpal biriman twiwi tongnai khoroksa wngkha Bhubon Ruwaja.

Buma buphani tongthai ha tai nok nukhung, hukumu mukumu, laibuma kwmajak wngkha Bhubon Ruwaja. Bo jesa khai phano bini agini laithangjak tongthok chathok, hamjakma, huk khaiwi chawi phaimani a tongthokrogno bo poknani naibo pogwi manjakya. Jora mankhai bo berai beraiwi bini agini tongthok chathokni kokrogno bono bono sai khwnarwo. Kwtal jorani chwrai bwsa tai sikla siklirog bono aboni bagwino kobor hwnthani kisa phano khuk koroya. Borogni kok khwnai waisa waisu Bhubon Ruwaja jolijagwi mokoltwi hor laima hai wngjago. Haiphano bo laithangjak jorani tongthok chathokni mangpili baino thangwi tongnani muchungjago.

Bhubon Ruwajano tabuk bui simiya, kamini borok simiya, hachal gana, jati masa simiya, nokni borok, takhuk-bukhuk, kiching chamai, nok arirog, hamjwk sajwk jotono kobor hwnwi sawi mano. Bhubon kobor hwnkhei khuk thaisa baino sinio o hapharni borokrog. Bhubon chamiri kaphuru buma randijwkmani mwktwi tai kok thaisa thainwi tubui phaio.

Bhubon tabukse kobor phano salsa kamini okra wngwi chokdiri chawi Ruwaja hwnjagwi phaijanai. Phiya Dumbur ban thewi nok, huk twi tolao kulugwi thangmani yagulo bebakno kwmabaikha. Aboni bagwino Bhubon tini kobor wngnani nangkha. Bini a agini tongthok tai hukumu mukumurogno muitu man manwino Bhubon kabo. Bini a kabmani kokthaio lai thangma sal tai jorarogni kok kubui tongo. Abo kebo sio, kebo siya.

Bhubon kabmani unkologo tongo kothoma thaisa. A kothoma langma lokmaswk logo. A kothomani yaphang borokno twiwi, buchukbo borokno twiwi. Baksa sao luku bosongni hamkwrai phaikha. Baksaba hwno chini achaimani ha lama kwtaltwi chwngsanani chengkha. Phiya Bhubon aswk siya. Bo ha kwmajakmani simi sio. Huk kwmamani, haping kwmamani kothoma simiya,omoni unkologo tongo rwchabmung kwmamanijaduni kwmamani tai langmani bumul sejagwi phaimani kok. O kokno sawino Bhubon kok kholwi kabo.

Hor sal agini haino hai waisa chwngsao waisa somsao. Bhubon ni tongmung swlaijakya. Boni kothoma bisi chithamni bara kwcham phiya bahaile keboni thani motom, keboni thani mwnam. Bhubon kobor wngsawi phaikhe Siring siring rokoi tongjak twino naharwi yakung yakwrai phunukhoro. Twino naharwi khuktwi musuo, atom atom nogo khapurum da naharwi twino tanna hwnwi kudio. Tangwi hwnba borogni a tongthok chathok bebak hukumu mukumu monoknaino wngkha twi.
     🙏totoy kokborok blogger no subscribe kisa khai di kokborok pori nai rok🙏

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more