Hachwk gwnangwi maichwlwi pino chwng-koklobni bisingtwi koklobnai tamo sana naikha nini simatwi swidi? B.A 1st kokborok major paper:-2 ni mark :-12

Ans:-1983 bisio kokborok koklob bwchap koklop bijabo shyamlal Debbarma "Hachuk gwnangwi maichwlwi pino chwng" Koklobno swikarikha. 
       Koklobni kwrwng shyamal Debbarma bini o koklobo Hachugo tongnai tipra dophani hamkwraino rwgwi samung bwtangni kokno twiwi swijak o koklob. Bo dophani sukba sakba chu chu bora rachi bosong khobwi hamkwrai khwlaimani bagwi tripuradophani amchai amchaio hamkwraini kok piro. Chu chu bora rachi tong -thok cha-thok khe tongnani bagwi samung tangnani kok sao.samung tangwi bo baithang bwthai manya phano dophani phaitongnai yakarai kanai borokrog o bini buthai ma chathung hinwi sananaio. Bini koklobni bisingo sananaio hachwk gwnangwi chamung biyal wngphano maichwlwi pinmani thinang jorao mai wngwi buthai thainai.Hayakheba tabukni dopha hamkwraini samung tangmani kokno pin phuru maya phano thinango o pirmani bwthai mananu hinwi sana naimani kok no mano o kok bwtang. 
          Hachwk gwnangwi maichwlwi            pino chwng tabok. 
          Hachuk gwnangwi ransajak                phano.
          Bwthai kwtal phayano ulo                    wansogwi. 
Sakani o kok bwtangrogno karwibo koklobnai mui kuthang, thai kuthang, khul singi tinango chathokmani bagwi aborogni buchwlwibo pino. Sakni thwi twi charima ulo lengwi lenglama logino mani kwtal chana kholei. Hachwgo thangnai tipra dopha borogrogni hamkwraini samung hachwk gwnangwi kok pino tei tangnani jorao yago chekhwra nawi samung tango garu mai chikon manna bagwi. Hachwk gwnangwi maichwlwi pino chwng. 
        Paithago saimano koklobnai bini o koklob dophani hamkwraini samungrogni kokborokno pirmani yahulo pirmani bwthai dophano hamkwrai khwlai tisanai wansogwi o koklob swimung. Bo sananaio sukang samung tangkhai aboni bwthai mannani bagwi satung thwi chariwi watwino naisingwi samung tang nani jora khamnaiwi chekhwra twinanaio haikhese bwthai mannai. Oro maichwlwi pinnani dopha hamkwrani kokno sajakha abono sogwino o koklob swinakha. 
 🙏totoy kokborok. blogger. Com no kisa follow khai di kokborok pori nai rok🙏

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more