Nagendra Jamatia ni sinimung, Swimung, tei naharmung no khalwi swidi? B.A 3rd semester kokborok major paper:-5 mark :-12

Ans:-Swikwrwng Nagendra Jamatia Tiprasa tai Tiprasaya aboni bebak borokbaino sinijak khoroksa. Bini achaima sal 22 may 1947 bisio udaipur Mohokumani Tota kamio bo amothai thei kwlaio. Bo hasteni bebak hoda, amchaio sinijak nukjak borok. Bo swikwrwng simiya. Khoroksa thwngwrwng bai gwdaljak. Hasteni hukbar bedekni oja manjak montribo wngwi phaikha. Bo 20 january ni 2019 bisio o hayung no yakarwi ayang masing thangkha. 

***Bini swimung:-

-------------------------

1).Hathai-1978.

2).Athukrai.

3).Hathairai.

4).Silpi.

5).Homchang.

6).Jamatia lu ku bisingo chwrai kailaimung. 

7).Hakor bisingni nongkhor baisidi. 

8).Bolong-1993.

***Naharmung:-

-----------------------

Hathairai kothoma bwsani bisingtwi saimano-Tiprasa hasteni songduk lukurogni langma, wansukmung, tongmung, Chamung, jorathai. Swlaijakmani eba kubun hani borokrok phaiwi o hasteni goron swlaijakma, borok dophani langma kosor thangmarokno kahan khai phunukha. 

'Homchang' kokthomabwsano poriwi saimano sadhu Ratanmanini twiphangbai Reang bidruho wngmano twi kaisa wansukjak eba imango habwi swijak kothoma. O kothoma Reang bidruho no twiwi swijak hwnphano bidruho ni ganaphano sogwiliya, mutui khijakha aswkse. 

'Bolong' kothomabwsano poriwi saimano Hamparni naithok mung kokthai kholwi bolong kothoma somtwisa kami amchaini likurogni langmani kothomani rwgwi khursajakha.