Rung kothomayung ni kokyaphang swidi ?.B.A 3rd semester kokborok major paper:-vi number mari:-12

Ans:-Swimungo yak dal gwnang mwchang Nanda kumar Debbarmani Kothomayung "Rung" 2001 bisio karijago O kothomayung Tripura hasteni Dumbur twimani ban themano twi swijak. A ban themani yagulo a twi kwchawi twima gana ginini chini sai sai songduk borokrogni nok huk twi tola kulugwi thangmani tai borogni biriman nangmani langmano twino o kothomayung swijakha.) Raima Sorma twima twngnwi twi tolao kwlwgwi thangkha. Aborog twima simi tongmaya, tongmani chini sirisitini kerang kothoma tai langmani hukumu bai gwdaljak botok toksa. Sorma twima tokhwlaimani abo chini luku bosong tokhwlai tongmani nukthai. A twimani mwkhango chwng chini Dangaima-Dangaiphani simi tabuk jora, thangwi tongmani luwajima nugo. Boni rukungo hathai-hapung, aro bisi khonchorjak huk tai haping, mai khulni haba tai hukbar thepajak. Tai aboni logi logi tongo jaduni, dangdu, chongpereng, sumui, goria tai hojagiri. Tabukni jora aborokno nuklia. Phiya chini thani abo belai nakhwraini bwthai.

Dumbur twi ban themani yagulo a gana gini gini ni nokthairog bebak twi tola kulwgwi thangkha. Bai aboni bagwi a amchaini songduk borokrogni langmao mwnak kubuksawi phaikha. Sai sai songduk bosong nokthai kwmajagwi hapung hathairogo tongnani nangkha tai haino ligi lagai wnglai jati bosongrog kaklainani nangkha. Aphuruno nukjakha ha kwrwi, nok-huk kwrwi borokrogni tongmung-chamung tai borogni kwpalo biriman nangmani 

Rung kothomayung go nukjakgp khoroksa buma buphani tongthai ha tai nok nukhung, hukumu
mukumu, laibuma kwmajak Bhubon Ruwaja. Bo jesa khai phano bini agini laithangjak tongthok chathok, hamjakma, huk khaiwi chawi phaimani a tongthokrogno bo poknani naibo pogwi manjakya. Jora mankhai bo berai beraiwi bini agini tongthok chathokni kokrogno bono bono sai khwnarwo. Kwtal jorani chwrai bwsa tai sikla siklirog bono aboni bagwino kobor hwnthani kisa phano khuk koroya. Borogni kok khwnai waisa waisu Bhubon Ruwaja jolijagwi mokoltwi hor laima hai wngjago. Haiphano bo laithangjak jorani tongthok chathokni mangpili baino thangwi tongnani muchungjakphano thai, yarwng, hukumu-mukumu kwmajak kwthangno kwthwi bai baksa.

Dumbur ban thewi babaisa phaising hamkwrai wngkha tai babaisa phaising jwngjalo kwlaibaikha/Hamkwrai wngkha chati chwngriwi mwnakni pohoro tubui mankha tai jwngjal wngkha kwbangma borok machaya manwngya, thai, hukumu mukumu akorog kwmajakbaikha. Kothomayungo nukjakha Jugesh bai Bimal sakni thwino twi chariwi jwngjalno kwlainairogno chubana bagwi swmai tangkha. Swinai o kubui kothomano 'Rung' kothomayungni bisingtwi lukurogno dadak sidak phunugwi rwkha.

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more