kokborok ni bagwi chini khaithai'swimungo bo khaithairokni kokno khursajakha phologwi swidi? B.A 3rd semester kokborok major paper:-5 mark:-12.

Kokborok kokrwbai laibumao kuchuk athkiri manei sinijagwi tongnai swikwrwng Bangsi Thakur bai swijak 'kokborokni bagwi chini khaithai 'kokbwkhal 1979 bisio june talo choba kokrwbai bwlaio sapogwi karijakha. 

Swinai boni o kokbwkhalo chini bosongni bagei bosongno kuchugo tisanani bagwi chini khaithai samungrokni kokno khursawi salangkha. Chini mani kokno mwthangwi narwknani, kolok, kotor, swnamnani hinkhai chini pokjak, kwmajak tei kokborogo najakthothok omohai joto kokni kokthairokno, gothokriwi naharnani kokno swinai sakha.A samungrokno khaina thangtha ni chwng jotono juda wngyawi thansa wngwi khainani nangnai. Swkang jorani simi mani kokbai kokmarok. Swijak kwrwini bagwi buini kokmanono gosiwi ma nalaikha. Phiya okwrarok salangmani tongo -"Buini Riganai bai buini Risabai buini bai borok wngwi manya" hinwi. Aboni bagwi chwng sakni laibuma, kokma, kokthairokno kahamkhe naitugwi thumwi sakni sinimungno kwrakkhe phunukna nangnai. 

Chini mani kokborokno mwthangwi narwknani hinkhai jotoni swkang chwng kokborok rutuknai chalai kaisa swnamnani nangnai hinwi swinai sana naikha. A chalairikni bisingtwino chini pokjak, kwmajak kokthairok rutugwi karijaknai tei kokthai kwtalrok swnamjaknai. O chalairokbai rutugwi karijakha kwtalkhe swnamjak kokthairok bobakno jotobai chajak nani, gosijaknai wngthwng hinwi swinai bini o swimungo kok kwcharo. Abono karwibo sorkarni thani bo koimungbai khe kok kwcharwna naikha. Bini o kokbwkhalo kokborok no mwthangwi narwknani bagwi swijak bebak kokthairok sorkarbai gosijak thing, hinwi naikha. 

Kok thaisabai sana thangkhai swinai o kok bwkhalni bisingtwi joto kokborok sanai swinai, phwrwng nai
, swrwng nai tei joto kokborok hamjaknai lukurokni thani saknimani kokni bagwi khathai. Samung rokno mwito khwlairwna naikha. Chwng chini kokno mwthangwi tonina hinkhe sakni kokbai kokma. Koklop kkothomyung omohai kwbangma kokrwbaini bijaprok ma karinai tei kokborok kokbai kokthwma porimung Awaikhwlaimung, Rwchapmung, mwsamung, bebakno tikhwlaina nang nai, Abono karwi chwng chini sakni sinimungno kwchugo tisana hinkhe kwbangma motharok bo songcha nani nangnai tei mothani Adong swnamna nangnai. Abo simiya kaisa kok no kuchugo tisanani sini mung phunuknani hinkhe aboni bagwi khaithai. Kwbangma tongo a khaithairokni kokno no swinai o kokbwkhalo salangkha. 

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more