Phirogwi phaidi 'O sunacharan D/B imang nukmani kokno kisa swi phunukdi? Bo bihikbai yakar kwlangjakma yagulo bwswk birman mankha phunuk mani phunugwi swidi? B.A 1st semester kokborok major paper:-2 mark 12

Ans:- phirogwi phaidi koklopno rwchapnai wngkha Sunacharan Debbarma bini o rwchapmungno swimung riwi naruknai wngkha 
Manmohan Debbarma. O koklopbo sunacharan Debbarma bihik bai yakarwi kwlangjakmani ulo kiphilwi tubuna bagwi kokthai kwcham khalwi rwchapjakha, abono karwibo bo swkang jorani simino kokthai khalwi rwchapna kwrwng 
Khapangni hikno muito khwlaite khwlaite swinai muktwrwi thangkha hinkhai bo bihikno imang nukjao. Aichukni imang mukthang wngo hinwi puitu nawkjago chini Tipra hodao. Aboni bagwi sunacharan Debbarma bini o imang nukmano khakajago bihik bono muito khwlaikhwna hinwi. Swinai wansukjao bihik bono muito khwlaikhwna hinwi. Swinai wansukjao langma kobolnaijwk, hamjakma gwnangjuk, bihik salsa diborsa derao kwlaikhwna tai sak saichungno a derano katiwi mankhwna. Khapangni hikbai thansa tonglai phurubo bo salsa aichugo imang nukmani a imang hamya nukmano kirijagwi bo aphuru mai chaya twi nungya wngwi tongjakha. Aphuru bihik bono tamoni mai chaya tamoni twi nungya hinwi sungkha. Phiyaba imangni kok mukthango saka hinkha imang pholio hinwi bo imangni kok saliya. Bo wansukmani imangni kok imangno tongnai tei kubui wungnaiya hinwi. Phiyaba sunacharan bini imang nukma kukubuino wngjakha. Abo baina a phirogwi phaidi imangni kokno sajakha. No aphuru imang nukmani bini tolani buwa kakmano. Abohaikheno sunacharan Debbarma imang nukmani pholimani kokno sajakha. 
              Rwchapnai eba swinai bihikbai kagwi kwlangjakmani yagulo bini thinangni langma haduk chomahai wngkha. Nukhungni joto samung makhwlaiyano makhwlaikha. Samung manyano man ma haikhe makhwlaikha. Bo abhai jorao khibi kwlangjakha abo swngcharni tai joto birman tongmahaini sai kotor. Jora jorao bo bihikbai tonglaimani kokno belai kheno muitu manjao. Bini langmao kosoi kaiwi dong kwrwi hai tei maitwk tongphano soro kwrwihai wngjak. Abirma manjakrogni bisingo kaisa phunukmani wngkha ahai-
     ''Toksa chayani murani maino 
       Chaise din katiei tongo, 
       toksa siniya hatiya msino
      Chaise din katiwi tongo
      Chamani gantha, kanmani gunda
      tongjao danda pinda
      hani tamsa desni suwang
      ang kaisajase tongo"

Paithak:- sakani bini o rwchapmung ni bisingtwi bo sanahaikhe bini hikbai kagwi kwlangjakmani yahulo birman manmanmani kokno. 

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more