B.A 2nd, 3rd, 4th, Semester kokborok major mainor

1. Morphology tamo?

Phirokmung: Morphology kaisa linguisticsni bedek. Morphology kokthaino twiwi porio. Morphology Greek kokthaini phaio. 'Morph' kokthaini kokmang wngkha engraji kokthaio 'Shape or form' tai 'ology' kokthaini kokmang wngkha "The study of something'. Dr. Nitai Acharya Morphemeno 'Mangchwlwi' mwng pharkha.

2. Morpheme tamono hin? Morpheme dalbwswk tong tei tamo tamo?

Phirokmung: Morpheme wngkha jotoni kokthai chikon. Chikon phano a kokthaini kokmang tongnai. Phunukmari: Ma-cha-nai.

Morpheme dalnwi tongo-

i) Free morpheme (phiyokjak mangchwlwi).

ii) Bound morpheme (khajak mangchwlwi).

3. Free morpheme tamo?

Phirokmung: sak sak bachai tongmannai kokmang gwnang kokthai tei kubuni kok bokocho pungthani bo chubachu riwi mannai kokthaino free morpheme hino.

Phunukamari: kaham, chwla, kiching, kwmwi, borok, lama akorog.

4. Bound morpheme tamo?

Phirokmung: sak sak bachai tongmanya bachana hinkhe buini (free morpheme) chubachu nangnai kok bokocho wngkha bound morphem. Phunukmari: Ya, rok, song, kuk akorog.

5. Affixes eba thepamari tamono hin?

Phirokmung: kokchwlwini swkang, kwchar, ul tei ul-swkang kitingwi thepajaknaino hwno thepamari. Phunukmari: Ke + phek kephek, ko + tor = kotor, thang + di = thangdi.

6. Thepamari dal bwswktong? tei tamo tamo?

Phirokmung: thepamari dalbrwi tongo. Aborok wngkha: Prefix (wasa), Infix (wason), Suffix (wakhwlai), Circumfix.

7. Kokborok kogo thepamari dalbwswk eba thepamari dalbwswkno samungo thepajak?

Phirokmung: Kokborok kogo thepamari dalnwi tongo. Aborok wngkha: Prefix (wasa), tai Suffix (wakhwlai).

8. Wasa tamo?

Phunukmari: kokchwlwini swkango thepajaknaino hwno wasa. Phunukmari: Bu +bar Bubar, Ku+war Kuwar. O phunukmario chwng nugo 'Bu' tai 'Ku' wngkha wasa tai 'bar' tai 'war' wngkha kokchwlwi eba root.

9. Wakhwlai tamo?

Phunukmari: kokchwlwini ulo thepajagwi kokthai kwtal swnamnaino hwno wakhwlai. Phunukmari: Thang + di Thangdi, Cha + kha = Chakha.

10. Wason eba Infix tamono hin?

Phirokmung: Kokchwlwini kwcharo achugwi kwtal kokthai swnamnaino hino wason eba infix. Kokborogo wason kwrwi eba nukjakya.

11. Circumfix tamono hin?

Phirokmung: Kokchwlwino kitingwi thepajaknai kokthaino circumfix hino. Kokborogo circumfix bo wason hai nujkaya eba kwrwi hinwino mano.

12. Root eba kokchwlwi tamo? i tamo?

Phirokmung: Khwlai kokbakni kok bwchwlwino hino kokchwlwi. (Saral Kokborok byakaran, Dr Nitai Acharya, page: 130)

Kwlai kokthaini khaljak kok bothoma nono kokchwlwi hino. Phunukmari: Phai, him, thung, nuk, rung, akorog.

13. Word classes tamo?

Phunukmari: Kokmano rwgwi Part of speech no word class hinwi bo sinijago.

Kokborok o part of speechno kokbokocho eba kokbak hinwi mwngpharjakma nukjago. Kokthairog thepajak sinimari gwnang kokthaino kokbak hino.

14. Kokborogo word classes eba part of speech dal bwswk tong?

Phirokmung: kokborogo word classes eba kokbokochono dalchar (8) khe bakjago. Aborog wngkha-1) Mung (Noun), 2) Mungswlai (Pronoun), 3) Khwlai (verb), 4) Goron (Adjective), 5) Khwlaigoron (Adverb), 6) Halokbonai (Preposition), 7) Manjunai (Conjunction), 8) khapernai (Interjection).

15. Mung tamo?

Phirokmung: mungsaswk kokthai bai borok, sakphang, bosong, langma, rwngmari, jaga, manwi, kha khwlaimari akorog phunukjagwi tongkhai a kokthai eba kokphangno mung hino. Mungsaya mungsani bumung bujoknai kokbakno mung hino. Phunukmari: twima, hachuk, holong, hati, wak, tok, ochai, kuphuti, akorog.

16. Mwngswlai tamo? Phunukmari swiwi phunukdi?

Phirokmung: mungni achukthaio achugwi kokbwtangno khwnathothok khwlaiwi tisanaino mungswlai hino. Phunukmari: Ang, ani, nwng, bo, bini, chini, borokni, norokni, chwng, bono, nono akorog.

17. Khwlai tamono hin?

Phirokmung: mungsaya mungsa samung tangjakma tangjakya eba wngma wngyano rwgwi sanai kokbakno hino khwlai. Phunukmari: rikmani, rwchap tongmani akorog. Khalai Phunokmari: porimoni, chanani,

18. Goron tamo? Goronni phunukmari phunukdi?

Phirokmung: kubuni kokthaini kaham-hamya, tormung-lokmung, tongmung-chamung, bangmung-khaijakmung, bathongmung abotwirog phunuknai eba surnai kokthainono hwnu goron. Phunukmari: kuphur, kosom, kwchak, kaham, hamya, kotor, chikon akorog.

19. Khwlaigoron tamo?

Phunukmari: khwlai bahaikhe samung thang aboni tangmungno phunugwi rinai goronno hino khwlai goron.

20.Halokbonai tamo? Phunukmari bai phunukdi?

Phirokmung: mung eba mungswlai dalsa bai kubuni mung eba mungswlaini bising halok bowi aborogni bising halok kwrwnglaimano phunuknai kokbakno hino halokbonai. Phunukmari: hai kahai, bwskango, ukologo, bagwi, simi, gwlak, akorog.

21. Manjonai tamono hin?

Phirokmung: kokbwtang bai kokbwtang eba kokbak bai kokbwtangno manjowi rinai kokbakno hino manjonai. Phunukmari: bai, tei, phiya, eba, yakhe/wngyakhe, haiphano, tumung akorog.

22. Khapernai kokbak tamo?

Phunukmari: kokbwtang thepajagwi kubuni kokbakrog bai kwrwnglaiya phano achomsa khao kamano peplarinai kokbakno hino kha- pernai. Phunukmari: paikha, chakha, hai, amaye, bodekok akokrog. 23.