extra kokborok GK

1. Langa tamo?
Ans- Langa wngkha chini borok dopharogni kwrwngsa thaini tai kwrwngsa thaio thangphuru manwi khwnwi dawi twlangjaknai warwkni wajak dalsa manwi.

2. Khuturuk Khuturuk kaisa warukni wajak ri rog tonijaknai kaisa manwi.

3. Dingra- Dingra wngkha chini borok dopharog huk ni mai rawi langlao dawi ulo dingrao dao.

4. Majang --Majang wngkha chini borok dopharog thuwi phalwi rwjal, kobongrog tisai tonimani wa bai swnamjak thaino hwno.

5. Thapa kobong-Thapa kobong wngkha thapani sakao kobong hai khe swnamjak thaino hwno.

6. Kaseleng Kaseleng wngkha bwchango khawi maichwlwi naiwi mai kaimanino hwno.

7. Dongdari-Dongdari wngkha da hulmani manwi. Abo langol kwchamni khai belai hamkugo.

8. Agini borokrog chakhwi bahalkhe tol?

Ans- Chekhogo thapla dawi twi luwi thop thop kwlaimano yachagwi chakhwi swnamwi chalaio.

9. Waying tamo-Waying wngkha cherai bwsarogno muthurmani thai.

10. Japa tamo---Japa wngkha chini borok dopharogni ri-rog dawi twijaknai manwi.

11. Darkung tamo-Darkung wngkha Dani phikungno hwno.

12. Mwtai paima yagulo nokphang ochaini thani tamo swngwi?

Ans:- mwtai paima yagulo nokphang ochaini thani sema swngwio.

13. Lomajwk:- Lomajwk wngkha cherai bwsa achainaphuru buma ni uldorobo tongwi jai jaikhe bohok sebwi ba rina kwrwng khoroksa bwrwi.

14. Kumajwk:- Cherai bwsa kwtal achai khe cherai bwsani omthai ranai bonono hwno kwmajwk.

15. Raibai:- Chini sirisitio kainani bagwi chwla eba bwrwi naitukna nango. A naitugwi kok sanaino hwno raibai. Chwla bai bwrwini ayang kaham hamya kok sanai, kok sana kwrwng, bolai sana kwrwng abono raibai ni samung.

16. Chamari:- Chamiri kwsamano daltham khe khagwi mano. Aborog wngkha-chamiri ompa, chamiri omor tai chamiri waikwlai. Chamiri omor wngkha bwrwini nogono kaijagwi kalnini bagwi tangwi tongna nango. Bisa chamiri kamani ulo kaijagwi tai kaijakmani ulobo bwkrani nogono tongna nango. Abo chamiri omor. Chamiri ompa wngkha-bisa swkang bwrwini nogo chamiri kawi ulo chwla bai bwrwi chajakhe kaijagwi bihikno chwlani nogo twlangwi thangwi mano,kaijakmani ulo talthamswkni bara bwrwini nogo tongna nangya. Abono chamiri ompa. Tai kaisa chamiri waikwlai wngkha- kaijagwi talthamswk bwkrani nogo tongmani yagulo bwrwi tubwi nogo kiphil phaio. O raidano a jora joto ni sai kwlai raida hwnwi sawi manjakha

17. Dangdal:-Dangdal wngkha chini borok dopharog bai swnamjak satungo ri lamjaknai eba ri phwranjaknai. Abo kongnwi pala kaiwi kwcharo kongsa wa khawi nao abono dangdal hwno.

18. Kaikotor:- Chini sirisitio kailaimung daltham tongo. Aborog wngkha- (a) Kai kotor, (b) Kai kusu, tai (c) Phwisai kaimani. Kai kotor: Kai kotor wngkha khumrog sarwi kaimani, khamrog bai hohom dodom khai kaimani, chwla bai bwrwi ni ayang ni borokrogno mai twi charwi kaimani, tai twi lumarog bo alaka alaka khai chwla bai bwrwino kwrwngsa jagao twi luya. Kai kusu: Kai kusu kaimani hwnkhe chwla bai bwrwino kwrwngsa jagao twi luo. Phwisai kaimani: Bwrwini bwphani rangrog aswk kwrwi, mairog charwi kharwi manjaya.

19. Mui okra bai mui kusuni mung--Chakhwi bai Mwkhwi

20. Goriya Bo bisini simi Tripura hao sokphal hwnwi sajak tai bo bubagrani jorao tai saboni yakni segwi tubu?

Ans-1500 A.D Dhanya Manikya ni amolo. Senapoti Pubnaran Naga hasteo chobao kwpwlai wngwi goriyanoaino Tripura hao tubuo. Tabuk Jamatia dophani thani rangchakni mwkhang tongmani abono a manbumani.

21. Yongmal tamo?

Ans-Watwi nobaro nok baina kiriwi nokno wa kaita khai hao kaiwi khatonwi narwkmano hwno yongmal.

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more