khulni kokrwbai ni yaphang yareng cherwi swidi B.A 3rd semester kokborok major paper:-5

Sahorwi manya jorani simi eba sirisitini jorani simino borokrog khukbai khugo kochogwi phaimani bisingtwino langmabai hayungno rwgwi borokni kha bisingni wansukma, khaduma, khanangma, hamjakma, naithokma akorogno lopsawi kholsawi khunathokthok khaiwi samarogno wngkha khukni kokrwbai eba oral literature.

Oral literature kokthai bahaikhe boroni phaikha hingkhe saimano "Oral" kokthai Latin kokni "Os" kokthaini phaio. "Os" kokthaini kokmang wngkha khuk eba mouth. Jora koklokma romwi sajagwi tongmani ulo Latin kok sanairog "Oralis" hinwi sana chenglaikha. Phiyaba 17th century jorani simino "Oral" kokthai hinwi sinimung mankha. Kok wngkha "Oralis" koknino "Oral" kokthai achaio. 19th centuryni jorani simi kwbangma lukurog Oralno twiwi kwbang kokrog salaikha. "Literature" kokthaibo "Latin" kok "Litera" kokthaini. "Litera" kokthaini kokmang wngkha "Art" tai "Leter". O literature kokthaino kokborokbai hinjago kokrwbai. Obo haikhe ingreji kokthai "Oral" bai "Literature" kokthainono hinjago "Khukni Kokrwbai". Khukni kokrwbaini kwbangkuk kokrwbaini besero nukjago. Aborogno laithangjak jorani simi tabukswk jora salai tonglaio. Khukni kokrwbai wngkha chini sakni saimanyano, chini laibumano, chini hampar akorogno twiwi saiman rio.

Kokborok kogobo khukni kokrwbaino twiwi swikwrwngrog swiwi phunukha. Khukni kokrwbai buphuruni simi tai bo jorani simi khoroksabai tei khoroksani khukbai khugo kochogwi sajagwi phaikha o kokno twiwi kebophano sawi manya. Phiyaba

Dangaima dangaiphani jorani simi sajagwi phaio hinwi saimano. O khugo kochokjak kokrwbairog wngkha kokbokhiri, phumukmung, kerang kothoma, kokbisikra, rwchapmung, jadu kolija, kapmung, swraimung akorog. Dangaima dangaiphani jorani simi borokrog o khukni kokrwbairog swijakya khoroksabai tai khoroksani khugo simi sajagwi kochogwi tongmani. Phiyaba borokrog twrwk twrwk lekha pora swrwngkha sikha nukha kaham hamya wansukna rwngkha abo haikheno tabukni o kwtal jorao sokphaiwi Dangaima dangaiphani jorani simi sajagwi phaimani khukni kokrwbaino swikwrwngrog swikongbai swilaiwi narwkna chenglaikha. Khoroksabai tei khoroksani khukbai khugo sajagwi kochogwi phaimani o khukni kokrwbai jephuru swiwi narwkna chelaikha aphuruni simino borokrog abono "Falklore" hinwi sana chenglaio.

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more