Nagendra Jamatiani sinimung tei swimungrokno swi phunukdi? Hathairai kothoma bwsani kokyaphangno nini simatwi khalwi swidi?B.A :-3rd semester Paper:-4

Nagendra Jamatiani sinimung tei swimungrokno swi phunukdi? Hathairai kothoma bwsani kokyaphangno nini simatwi khalwi swidi?

Nagendra Jamatiani sinimung: Koborokno kuchuk yakhilio tisathani samung khwlailangnai khoroksa nokhani athukiri haikhe sinijagwi tongnai Nagendra Jamatia, Gomati Hangkoroni Udaipur Bwkhasteo khopjaknai Tota Kamio bo 22 May talni 1947 Bisio achalo. Nagendra Jamatia koborok kothoma bwsa, Thungnuk, koklop akorok swikrwng simiya swimani logi logi Thwngkwrwng (Politics) rogobo gwdalmani nukjago. Bo MBB college o poriui tong phuruni simino TSF bal gwdaljak eba founderbo hwnwi mano. Rwngnok kotor paimani yagulobo haphangni sebuk rokbo khwlaikha. Phiya paithago 21 January 2019 bisio o hano yakarwi thangkha.

Nagendra Jamatiani swimung:

Kothoma bwsa bijaprok: 1. Hathai 1978 bisi. 2. Bulsu Horsini 1993 bisi. 3. Bolong -1993 bisi. 4. Bichitra bijabo kalbwrwl(4) kothoma bwsa tongo aborok wngkha i. Athukral. II. Hathairai. iii. Silpi. iv. Homchang Andaman bai kothoma bwtang-March 1994, 5. Yakam-2012. Akorok. Tel Hathal kothoma bwsa.
Kokrwbal:-
1.jamatia Luku bisingo Chwrai kailaimung.
ii. Khithor.
Thungnuk:-
Hakor bisingni Nongkhor bai sidi (2001)
Nagendra Jamatiani koktun bwlał wngkha- "Choba" (1979) june talo, June talni simino o choba kokrwbai bwlai "Dungur" mungwi philwi karijakkha.

Hathairai kothoma bwsani kokyaphang:-
Kokborok kokrwbaini bosongo kokborok kothoma bwsa swinairokni laibumano khurchal rwgwi naikhe Nagendra Jamatia-ni puila "Hathai" Mungwi kothoma bwsa bijap swi karijago hwnwi saul mano 1978 bisio. Tai o bijap-nino Hathairai mungwi kothoma bwsa swijakkha. Phiya kokborok kothoma bwsa swijakmani laibumano bisi rwgwi khurchal naikhe Radha Mohon Thakur no pulla kothoma bwsa swio hwnwi laibumzo mano. "Troipur Kothomala" mungwi kokma bijabo 1906 bisio. Kaiba(5) koytoma bwsa swijakha. Tai kwchar jora eba Kwtal kothoma mungwi kokrwbai bwlai 1954 bisio bo kothoma bwsa swimung mano. Manmohon Debbarma bai Ramcharan Debbarma kothoma bwsa swimani mang.

Kothoma bwsa swinairokni bisingo khoroksa munggwnang eba swikwrwng hwnwi lukurokbai sinijagwi tongnai Nagendra Jamatia. Bo bai swijak kaisa kothoma bwsa bijapni mung wngkha "Hathai" o bijap 1978 bisio karijago. O bijabono Hathairai kothoma bwsa swiwi karijago. Swikwrwng Nagendra Jamatia o kothomani bisingtwi lukurokno dadak sidak khe phunukna naio jora kaisa Tripura Hasteo Kusung Kusung jora romwi Chini bubagwrarok o hano naikołwi phailaimani tongthothok chathothok khwlai. phiya kisa jorani bisingono Phater hani kubun dophani borokrok o hao haphaima bagwi o hani bwsarokni thinang belaino mwnago kwlaikha. Haini bagwini Hathairai chwrai jorano kokrokno wansogwi belaino kha khamjago. Jora kaisa Phater hani Refujirok chana nwngna, tongthai nok kwrwi tongmani phiya jora bangya baino borok o hani nokphang wngphaikha. Hati, jaga, rangpuisa, o hani phan bebakno borokni yago mang wngbaikha. O hani bwsarokkhe kusup jakmang kusup jakmang tolao kwlai sokkha. Mai phaisani bwgwi rang khoksani bwgwi buini kamla wngwi ma tongma rokno twi sanani naio.

Paithak: Hathairal kothoma bwsani bisingtwi swikwrwng Nagendra jamatia sanani naikha. Kwdwk jora romwi tiprasa bosongni borokrok tongthai ha kuwar chamung-Nwingmungni biyal kwrwi khe kha baksa wansokma thansa wngma jorao. Phater hani kubun dophani borokrok o hao phaiwi tongphaikha chaphaikha phiya kwbang sal bangya baino borok swrapsani bisingo hani nokphang wngphaikha. Omo hairokno wangsogwino swinai dophani lukurokno sichamung rwnani naio o kothoma bwsani ni

Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more