Nanda kumar Debbarma mani sinimung swimung tei wnasokmung?
Nanda Kumar Debbarmani sinimung swimung tei wanswkmung?
Answer :-Sinimung:- Swikwrwng tei munggwnang mwchang Nanda Kumar Debbarma 1950 bisini July talni nwichisa (21) salmario achaio. Bini omthai thwi kwlaimani thai wngkha Tripurani Bishramganj amchaini Puskar kamio. Bumani mung wngkha Sabitri Debbarma tei buphani mung wngkha Gaji Kumar Debbarma. Bo bisi chinwi umorni simi kokrwbaini swimungo yak barogo. Bo puila koklop swina chengwrawi twrwk twrwk thungnuk, rwchabmung, kothomayung tei kokswlaimungo yak rio. Omorgno karwi bo kokrwbai bwlaibo komthingkha. Swikwrwng samungni lamao phawi puila rwngnogo phwrwngnaini samungno tango. Tripura haphangni Gandachhera rwngnogo bo puila phwrwngnaini samung chengo. Aro mojomo bisi rombwi phwrwngmani yagulo 1979 bisini March talo bo Tripura Bidhansabhao sebuk khwlainani sep mano. Bo bidhansabhao samungni tangmani haba yakarwi tabuk Tripura Universityni Kokborok bedego M.A swrwngnairogno phwrwngwi tongo.
Swikwrwng Nanda Kumar Debbarma kokrwbai swimarogni bisingo thungnukno jotoni swlai kwbang nujago. Bo bebagwi thai brwichiba thungnuk swikha. Bini thungnukrog Tripura hasteno karwi Bharat hani kwrwng hasteo phunukjakkha. Aboni bagwi bini mung Bharat ha gwnangwi sinimung manjak. Swimungo yakpai kaham wngmani bagwi Mahendra Smriti Puraskar (1996). 'Rabindra Puraskar(2002)', 'Lukbhasa somman(2003)', 'Gandhi Hindustani Sahiya Sobha tei Higher Education New Delhi(2003)'.
Nanda Kumar Debbarmani swimung:
-----------------------------------------
1).Bwbar (thungnuk 1970)/
2).Ani ganao ang (kokjlop 1983)/
3). Kok kisa koktang hai (thungnuk 1984) /
4).Simalwng Sakao Holongni Khum (koklop 1984)/
5).Mari (thungnuk 1985)/ 6).Bolongni Bwsajwksong mwsao (koklop 1988)/
7).Ani Ganao Ang (koklop 1993)/
8).Rung ( kothomayung 2001)/
9).Mwswi Rangchak (kokilop 2005)
10).Kereng The Great (kothomabwsa 2015)/ 11).Longtoraini Ekolobyo (thungnuk 2013)/
12).thungnuk bwchap (thungnuk 2015)/
13).Kothoma (kok swlaijak thungnuk 2015)/
14).Langmano Sukurugwi (koklop 2015)/
15).Tei khoroksa Swkal (thungnuk 2015)/
16).Panchatyantrani Kothoma (kokswlaijak 2016)/
17).Chwrairogni Mahabharat (kokswlaijak 2016)/
18).Mukumu (1974), Randijwkma (1986)/
19).Sikhok (1986)/
20).Bolongni muktwrwi (1987)/
21).Imangni bwsarok (2015),/ 22).Isiri Hiraboti (2015) akorog.
Wanswkmung:-Nanda Kumar Debbarmani swimung:
Bwbar (thungnuk 1970), Ani ganao ang (kokjlop 1983). Kok kisa koktang hai (thungnuk 1984), Simalwng Sakao Holongni Khum (koklop 1984), Mari (thungnuk 1985). Bolongni Bwsajwksong mwsao (koklop 1988), Ani Ganao Ang (koklop 1993), Rung ( kothomayung 2001), Mwswi Rangchak (kokilop 2005) Kereng The Great (kothomabwsa 2015), Longtoraini Ekolobyo (thungnuk 2013), thungnuk bwchap (thungnuk 2015), Kothoma (kok swlaijak thungnuk 2015), Langmano Sukurugwi (koklop 2015) Tei khoroksa Swkal (thungnuk 2015), Panchatyantrani Kothoma (kokswlaijak 2016), Chwrairogni Mahabharat (kokswlaijak 2016), Mukumu (1974), Randijwkma (1986). Sikhok (1986), Bolongni muktwrwi (1987), Imangni bwsarok (2015), Isiri Hiraboti (2015) akorog.
Wanswkmung:- Swikwrwng kokrwbai gwnang Nanda Kumar Debbarmani wanswkmung kokborok kokrwbaio rangchakni swlaibo morokjak. Bini swimungrok bebakno hukumu-mukumu bai gwdalajk. Bini bebak swimung dangdu chong pereng sumu jaduni rwchapmungbai rekewi kubulwi swijak. Bo khoroksa soi soino triprasa dophano hamjaknai tei dophano kuchugo tisathani kwthwk wanswknai. Aboni bagwino bini bebak swimungo tiprsarokni siri sitibai gwdaljak kokrwbai hukumu mukumu rwgwi bo swio.
Comments
Post a Comment