Radha kothoma bwsani kokyaphangno swidi? 3rd semester

1.Radha kothoma bwsani kokyaphangno swidi? B.A 3rd semester kokborok major paper :- 4

Answer:- Kokborok kok sanairokni bisingo swkang puila kokborokbai bijap swinaino wngkha Thakur radha mahan Debbarma. Kokborok kokrwbaini koklam kwrwng, wansok kwrwng tei elem kwrwng kha kwrak tei wansok kwrwngni bagwi kokborokno hamjago. Kokborogo bini kwbang swimung kwrwi phano Bubagrani logio tongwi Rwchapmung, koklop, Kothoma bwsa tei Rajmalarok swinarok swrwngkha. Abono karwibo kothoma bwsa tei kokmarok swilangkha. Radha mahan thakurni ulnwi bijapni mung "Troipur kothomala" o bijap 1906 bisio hao karijago. O Troipur kothomala bijabono "Radha" kothoma bwsa swi karijago. Ο kothomao Radhani langmani kothomarokno rwgwi swijak. Cherai jorani simino ma-pha bai matongya. Haini bagwi Bubagra Radhano borok kaham, Lekha kaham khe porinai hwnwi chajago. Haini bagwino Isiri songbai baksa porina swina sep mano.

Thakur Radha Mahan Debbarma bini laiwi thangjak kothomarokno Khurchai sanani naio. Radha kothoma bwsani bisingtwi swinai bini langmani kochogwi thangjak kothoma rokno sanani naio. Bupha buini kamla khwlai chajanai borok Radha bini babu thwiphuru bisani cherai sajago. Bupha thwimani yagulo Buma randi bwsala khoroknwino twiwi nukhung kwchang kwchang tung tung khe tonglai jamani bwsla okra achomsa hamya kwlai thwimabai Radhani buma koborhai wngkha. Phiya Radhani buma Radhano belaikhe hamjago, tongmung kaham, lekha-pora digi kaham, bumani kok khwnanai hwnwi Radhano buma belaino hamjago. Phiya Buma thwima yagulo Radha songdari wngkha bini mama song Radhani bumani samungrok khwlai rwbaio. Tei bini mama songni nogo tongwino kisa misa porikha.

Radha belai borok kaham kok khwnanai lekah-pora-o bwkha beranai borok kaham wansoknai haini bagwi buma thwima yagulo Bubagra Rdhano pusio sakni sajwla haikhe. Bubagra bono bini sajwk isiri songbai baksa porirwkha. Boni samung kahamno nugwi bubagra Nuyungmani samung bedokkha. Tei bo Bubagrani thani Kothorna, Rajmala, koklop, rwchapmhrok swinani phwrwng kha. Paitahago bini samung kahamno nugwi Bichar-ni samung khwlainani sep mankha. Radha belai bwkha kotor jit gwnang haini baigwi bini thani samung kutuk phano kwchaya. Samung tangphuru buini rangno swbaiya. Haini bagwi sakni nukhungno naikolthanibo belai kahamni bagwi bini aswk biyal kwrwi. Nok-nukhungni rang puisa ajithanibo belai kwswrang kisa misa ajimarokbai hathai jagarok pai narwgo haini bagwi bini yago rangpuisani biyal kwrwi.

Paithak :-Swikwrwng Thaur Radha Mahon Debbarma bini kothoma bwsani bisingtwi bini langmani kothoma kochogwi phaijakrokno khurchai sanani naikha "Radha" Kothorna bwsani bisingtwi Bupha-Buma tei Bwta thwima yagulo bwswk joratwi birman bai kubolwi manjakha abono rwksai o kothoma bwsa swijago.


Comments

Post a Comment

Popular posts from this blog

kokborok kokno kuchugo tisathani 1841ni simi1900 bisi jora tamo tamo samung tangjakha swidi? eba kokborok kokno kuchuk tisathani phater hani borokrog samung tanglangmano twi swidi tei kokborokno tamo hinoi mung pherlangkha swidi? Tei a bijabrogni mung tamo swidi? B.A 1st kokborok major paper:-ii

Ans:- kokborok kokno kuchugo tisana saktharwi phater hani borokrog jora kolokma romwino kuchugo tisana bagwi hamkwraini samung tanglangkha. Borogni khursawi swi kwlangjakmani bisingtwi kokborok kok kuchugo achuk thai mankha. Phiyaba o kokno twi elem kerwngrogni khursai kwlangmani bisingtwi kokborok kokno juda juda mung bai sinimung mankha.O kokborok kok hamkwraini bagwi  phater hani sahebrogni samung khwlailangmani tei bijab swi kwlangjakmano twi  khamaokhe swi phunukjakha----- *1841 bisini simi 1900 bisi jora kokborok swina chengjakma:-- ---------------------------------------------------------- Kokborok kok kuchuk Kasathai 1841 bisini simi kok sikwrwngrokni bisingtwi samung tangjakna chengkha. Abono twiwi tolao swi phunukjakkha-- 1).A Phayre:-An account of Arakan, journal of the Asiatic society pf Bengal. VOLX, 841,part-XI, page-711, A journalni kokbwkhalo bo kokborokni kokthairogno twiwi koklam khwlaijakha . Bo kokborono "Mrung" hinwi pharlangkha.  2).H.C Sutherland:-B...
Read more

Sino-Tibetan kokbosongni mungrem kaisa swnamdi ? A mung remo kokborok bo dokholo kwlai swidi? B. A 1st kokborok major paper :-ii

Image
Ans:-Hayungo bebagwi 6,500-6, 700(Doksaibara-Doksaisinira) ahai koktongo hinwi sawi manjakkha. Kok solaikwrwng elem khursanairogni bisingtwi saimanjakkha aswk kwbangni bising jotoi 5.0000(Basai) kokni simise sini mung manjak. Dr. Suniti kumar chottopadhai ni simi chengwi,Sir George Abraham Grearson akosong bebak kok soisimung kwrwng eba elem kwrwngrog kokborok kokno sino-Tibetan kokbosongo khobjago hinwi khursalaikha.  Kok soisikwrwng Dr.Satendra Narayan Gosami bini "Studies of Sino-Tibetan language" bijabo kokborok kokno sino-Tibetan kokbosongni bedek bupwrao kwlaio hinwi khursakha.Bo bini mung reo Sino-Tibetan kokbosongni deknwi khagwi phunukkha. Abo wngkha Tibeto-Burman tei siam-Chinese .Haikhe Tibetan-Burman ni simi bedek bupwra khakjagwi "Assam- Burmese -Bodo-Naga-Bodo-Tipra "phunukmari hinwi bini mung remno swrai- swraikhe phunugwi naijakha.  Dr. Satendra Narayan Goswami bai phunukjak sino-Tibetan kokbosongni mung remo kokborok bo dikholo kwlai abono khamao ph...
Read more

kokborok bai Dimasa kok sollaima tei pherlaima no yakumun phunugwi swidi? B.A 1st kokborok major paper :-ii

And:-kokborok bai Dimasa kokbosongni achaithai yaphangni kokbosong wngkha sino-Tibetan kokbosong. Kokborok kokni Bisingtwi jotoni swlai gana wngkha Bodo bai Dimasa. O kaitham kokni bisingo sollaiyani swlai sollaimani bangkugo. Kokborok bai Dimasa kokni Sollaimungno cherwi naithani cherwi nainairog obo haikhe ma wansokkha a kok kainwi kokni kokthai yarwng 50%yakhe 66%solaimung tongo. Aboni bagwino Glottochronologyni pohor bai omohai sollaimungno 1200-1400 bisini swkang Dimasani kokborok kagwi phaiwi tei kaisa kok khe sinijakkha hinwi sajakkha.  Kokborok bai Dimasa kokni bisingo kokthai. Khorang akorog solai tei pherlaimano khamao phunukmari ni Bisingtwi phunukjakha--- 1).Sollaimung kokthai:-        Kokborok                  Dimasa --------------------       -----------------     Ang                              ...
Read more